Policia italiane ka arrestuar një 58-vjeçar shqiptar, ndërsa në hetim janë dy djemtë e tij, pasi akuzohen për trafik droge.
Siç raportojnë mediat italiane babai dhe dy djemtë e familjes shpërndanin kokainë në zonën e San Mauros Pascoli. 58 vjeçari M. H., kryefamiljari shqiptar u dënua me 16 muaj burg dhe 800 euro gjobë, ndërsa dy djemtë e tij 28 dhe 33 vjeç po hetohen në gjendje të lirë për të njëjtën akuzë.
Gjatë kontrollit të shtëpisë, policia arriti të gjente rreth 20 mijë euro, 30 gr kokainë e pastër, dy peshore dhe materiale të tjera paketimi.
