Sulmuesi i Partizanit Edgar Çani tashmë zyrtarisht nuk do të jetë më pjesë e skuadrës.
Klubi i Partizanit me anë të një njoftimi në faqen zyrtare ka bërë të ditur se ka përfunduar bashkëpunimi me sulmuesin Edgar Çani.
Sipas klubit, kontrata u ndërprye me mirëkuptim.
Kontrata është prishur pasi sulmuesi ka gjetur një skuadër të re. Mësohet se Çani është pranë marrëveshjes me Vibonezen në Serinë C italiane, ku do të tentojë të rikthehet në momentet e tij më të mira dhe pa dëmtime.
Çani u afrua në verën e vitit të kaluar, por ai asnjëherë nuk arriti t’i përmbushte pritshmëritë pasi në pothuajse në më të shumtën e kohës ishte i dëmtuar.
