Nëse ende nuk e keni vizituar, destinacioni i radhës, është padyshim ‘Shpella e Akullit’.
Për ata që se dinë, kjo shpellë ndodhet në Librazhd, në Fushën e Letmit në parkun kombëtar Shebenik-Jabllanicë.
Kjo shpellë daton gjatë shek II-III, në kohën e sundimit bizantin dhe është përdorur kryesisht për banim, dhe këtë e tregojnë më së miri pikturat që ndodhen në të.
Ajo se çfarë mund të gjendet në shpellën e Akullit janë stalaktitet e stalakmitet e lloj-lloj formave.
Shpella ka një gjatësi prej 48 m dhe një lartësi 10 m si dhe gjerësi mesatare 9 m linear dhe është krijuar si rezultat i erozionit të tokës.
Sa më në thellë të shkosh, aq më shumë ndjen ajrin e ftohtë dhe pikat e ujit të ngrira, të cilat pas shkrirjes bien mbi shkëmbinj duke krijuar një si melodi të këndshme që të shoqëron gjatë gjithë qëndrimit në të.
Me kalimin e kohës në shpellë në brëndësi të saj bën ftohtë, dhe nëse temperaturat jashtë janë të larta, brenda në shpellë nuk ndjehet asgjë.
