Një piceri dhe një restorant në Llogara janë bllokuar nga autoriteti kombëtar i ushqimit, pasi gjatë kontrollit, rezultuan se shkelnin rregullat e sigurisë ushqimore.
Ata ushtronin aktivitet dhe ofronin shërbime në kushte jo të mira dhe të duhura higjeno-sanitare, si dhe tregtonin mallra të skaduara.
Njoftimi i AKU
Autoriteti Kombëtar i Ushqimit, siguron se është në çdo kohë në aksion për identifikimin, kontrollin, evidentimin, dënimin dhe ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e Sigurisë ushqimore.
Konkretisht, gjatë aksionit që AKU po ushtron në zonat bregdetare, trupa inspektuese DRAKU, Vlorë ka evidentuar 2 subjekte, me aktivitet “Restorant” dhe “Piceri” ku kryenin veprimtari në kundërshtim me standardet e sigurisë ushqimore si dhe në kushte të rënda higjeno-sanitare.
