Shqiptarët nuk e kuptojnë se situata dhe bota ka ndryshuar, tha sot në Soçi zëvendëskryeministri i parë dhe ministri i Jashtëm serb Ivica Daçiç.
Në një konferencë shtypi, pas takimit me diplomatin rus Sergei Lavrov, ai tha se kërkesat e shqiptarëve janë dëshmi e mungesës së gatishmërisë për kompromis.
“Të gjithë duan projektin e Shqipërisë së Madhe dhe për ata e gjithë kjo është pak, duan të vijnë në Nish. Ata do të merrnin gjysmën e Malit të Zi, gjysmën e Maqedonisë dhe në veri të Greqisë”, paralajmëroi Daçiç.
Sipas tij, kremtimi i datëlindjes së ish-presidentit amerikan Bill Clinton ditë më parë në Kosovë, “është i vetmi vend në botë ku festohet, përveç në shtëpinë e tij.” Kjo është, sipas tij, dëshmi se shqiptarët “kanë mbetur parapa me kohën”.
“Koha ka ndryshuar. Ajo që ata mendojnë, nuk ka asgjë prej saj”, tha Daçiç./Rtk
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
