Presidenti rus Vladimir Putin para takimit dhe bisedimeve në Gjermani me kancelaren gjermane Angela Merkel, shihet tejet i relaksuar në një dasmë.
Udhëheqësi rus u ndal në martesën e ministres së jashtme austriake, ku ai po kërcente me nusen tejet i kënaqur.
Karin Kneissl u martua me partnerin e saj, biznesmenin Wolfgang Meilinger, në një ceremoni pranë kufirit jugor me Slloveninë.
Z. Putin ka treguar mbështetje për zonjën Kneissl, një politikane e pavarur e cila u propozua për rolin e Partisë së Lirisë Austriake pro-Rusi, udhëheqësit e të cilëve ishin gjithashtu në ceremonitë e nates.
Z. Putin dhe nusja e veshur me kostum tradicional austriak e nisën si me shaka, por m ë vonë u bënë pjesë e valleve përreth.
Prania e zotit Putin në martesë u kritikua nga politikanët e opozitës austriake. Joerg Leichtfried i Partisë Social Demokratike tha se mund të rrezikonte rolin e Austrisë si një ndërmjetës neutral në konfliktin në Ukrainën lindore, ku rebelët e mbështetur nga Rusia po luftojnë me forcat qeveritare.
Zëdhënësi i Putinit Dimitri Peskov tha se presidenti kaloi rreth një orë në martesë dhe u dha të porsamartuarve një makinë shtypje, një samovar tradicional rus dhe një pikturë peizazhore që “përshkruan vendin nga ku del dhëndri”.
Më vonë, zoti Putin udhëtoi për në Berlin për bisedime me zonjën Merkel për të diskutuar konfliktet në Ukrainë dhe Siri, si dhe Iranin dhe një projekt të gazsjellësit që ka tërhequr zemërimin e SHBA.
Zëdhënësi i Kremlinit Dmitri Peskov u tha gazetarëve se nuk janë arritur marrëveshje, por takimi thjesht kishte për qëllim “të kontrollonte orët” pas takimit të znj. Merkel me z. Putin në vendpushimin e Soçit në Detin e Zi në maj.
Burimi: Sky News
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
