Mediat italiane shkruajnë se është kapur një shqiptar 55-vjecar, identiteti i të cilit nuk bëhet i ditur, pasi u kap me kokainë dhe heroinë.
Policia ka sekuestruar një qese me 31 mijë euro në para të gatshme, ndërsa në bagazhin e makinës tip “Peugeot 207” parkuar jashtë, ata gjetën një pako me 1 kilogram e 120 gram kokainë dhe në kutinë e fshehur në një çantë 500 gram heroinë.
Shqiptari ndodhet në burgun e Lodit.
Policia italiane ka arritur ta arrestojë pas disa ndjekjesh, sipas il Giornale.it
Policia, mëngjesin e 16 gushtit, ndodhej në Piazza Salgari, teksa vunë re lëvizje të dyshimta të një personi me makinën e tij.
Policia e ndoqi derisa ai shkoi në Giuliano Milanese, ku parkoi makinën dhe u ngjit në një shtëpi në rrugën “Papa Giovanni XXIII”. Pasi doli nga banesa, ai u arrestua direkt dhe në këtë moment policia ushtroi kontroll ndaj tij.
