Nënkryetari i partisë Demokratike, Edi Paloka në deklaratën e tij nga selia blu, ka folur lidhur me arrestimin e të shumëkërkuarit Edmond Bego, i cili u kap nga policia greke teksa kthehej nga pushimet e tij në Greqi.
Paloka thotë se Bego një trafikant ndërkombëtar, i kërkuar nga autoritetet e huaja, po bënte biznes në Shqipëri, i cili nuk u kap nga policia shqiptare por nga ajo greke. Edmond Bego ishte i shpallur në kërkim nga autoritetet italiane, i lidhur me bandën e Aldo Bares.
Ai thotë se trafikantët e drogës, kriminelët e rrezikshëm, mbrohen dhe u sigurohet strehë duke u lidhur me disa nga personat më të pushtetshëm në vend.
Pyetja që shqiptarët kanë të drejtë ti bëjnë Edi Ramës, policisë së shtetit dhe Fatmir Xhafajt, është: Si është e mundur që ky trafikant nuk arrestohet, por bën dhe biznes në Shqipëri dhe shëtit i lirë?
A është Taulant Balla ai që e ka marrë në mbrojtje trafikantin më të kërkuar?
Nënkryetari njofton se në vijim do të ketë denoncime të tjera, ndërsa i adresohet prokurisë duke i kërkuar të fillojë të nisë hetimet për moszbatimin e ligjit ndaj këtij trafikanti droge./K.Balliu
https://www.facebook.com/lulzimbasha.al/videos/539856043126600/?notif_id=1534677562242320¬if_t=live_video
