Aktori tregon për zhvendosjen në televizion tjetër: S’e ndaj dot veten mes aktorit dhe opozitarit

Julian Dedën nuk do ta shohim tek televioni Vizion Plus, pasi aktori i humorit do të kalojë në televizionin Klan me një spektakël të ri.

“Dublex” është spektakli i ri i humorit i cili do të bazohet kryesisht në improvizimin, me drejues artistik aktorin në fjalë.

Nuk ka ndryshim nga ai i ‘Apartamentit 2xl. Është e njëjta trupë, i njëjti format”, me situata të reja, por jo aktorë të rinj.

Në një intervistë për Panorama Plus, aktori ka treguar se nga spektakli i ri do të ndryshojë arredimi i shtëpisë dhe shpeshherë tematikat.

Pyetjes së gazetares lidhur me konkurrencën mes Portokolli dhe Al Pazarit, ai i konsideron të dyja si dy puzzle të një mozaiku të madh të humorit të Shqipëri. Të njëjtën gjë do të bëjë, sipas tij, dhe ‘Dublex’ në vijim.

Gjithashtu, ai ka folur dhe në lidhje me ndërhyrjet e tij herë pas here në çështjet politike duke mbajtur anën opozitare teksa tregon se për të është e vështirë të bëjë ndarjen mes politikës.

‘Nuk e ndaj dot veten mes aktorit dhe opozitarit, pasi, për mua, të ngresh zërin për shqëtësimet që ka shoqëria jonë nga politika jonë, nuk është e thënë të jesh opozitar më flamur në dorë’ është shprehur ai.

Më poshtë disa nga pyetjet dhe përgjigjet e intervistës

Çfarë do të sillni ndryshe në këtë program, duke qenë se në spotet e deritanishme të kemi parë duke ngrënë djathë e domate në varreza. Pra, janë situatat ekstreme pika juaj më e fortë?

Formati do të jetë i njëjtë, siç e thashë më sipër, një spektakël i bazuar mbi improvizimin. Shumë njerëz më kanë pyetur për këtë, pasi duke parë spotet, duket si qasje nga “skeç show”. Nuk është e vërtetë se ato janë thjesht spote që i kemi bërë për të reklamuar produktin e ri, që po vjen në “Klan” me logon “Së shpejti” për të promovuar “Dublex”. Kjo s’do të thotë që të mos ketë edhe xhirime jashtë skene, pasi këtë mbetet ta shohim si pjesë e suprizave. Por formati do të jetë 90-95 për qind i njëjtë me “2 XL”.

 “Portokalli” dhe “Al Pazar” janë programet e tjera paralele. Si do e përkufizoje konkurrencën mes jush?

Unë nuk mund ta them ende se cilin nga këto dy programe do të kemi përballë, duke qenë se njëri transmetohet të shtunën dhe tjetri të dielën. Jo se nuk është vendosur dita e transmetimit të “Dublex”, por duam ta lëmë surprizë. Sa për spektaklet, të dyja kanë vlerat e tyre për punën që bëjnë. “Portokalli-në” e respektoj si ishpjësëtar i asaj trupe ku kam punuar dhe “Al Pazar”, po ashtu, është një punë e shkëlqyer e bërë nga Agron Llakaj dhe gjithë stafi i tij. Dua të them që ne nuk kemi asnjë lloj rivaliteti njerëzorarmiqësor, përkundrazi, i shohim si dy puzzle të një mozaiku të madh të humorit të Shqipëri. “Apartamenti 2XL” i ka qëndruar në mënyrën më perfekte këtij mozaiku dhe shpresoj që “Dublex” të jetë po njësoj dhe të jetë në vendet e para të humorit në Shqipëri. Unë e shpresoj dhe e besoj shumë këtë!

Ti, nga njëra anë, ke profilin e aktorit në televizion, dhe nga ana tjetër bën opozitarin në çështje të nxehta politike. Ku nuk aktron 100 për qind në këto dy pozicione?

Unë, t’ju them të drejtën, nuk e ndaj veten në këtë formë. Por unë them se shpreh atë që ndiej, atë që mendoj se është gabim, por shpreh dhe atë që mendoj se është mirë, edhe ka pak raste të tilla, për fat të keq. S’e ndaj veten mes aktorit dhe opozitarit, pasi, për mua, të ngresh zërin për shqëtësimet që ka shoqëria jonë nga politika jonë, nuk është e thënë të jesh opozitar më flamur në dorë. Megjithatë, asnjëherë nuk i kam fshehur bindjet e mia e qasjen time politike. Sa i takon pyetjes se te cila pjesë nuk aktroj 100 për qind, mund t’ju them se unë nuk aktroj tek asnjëra, pasi të dyja i bëj sinqerisht. Edhe në profesionin tim nuk aktroj, e bëj sinqerisht. Vërtet është aktrimi profesioni im, por unë aty nuk aktroj, pasi e bëj seriozisht punën time. Është pyetja pak me kleçkë, dhe përgjigjja po me kleçkë. (qesh)

Ndërkaq, në televizionin ku do të shohim këtë sezon të ri, do përballesh shpesh me dy ish-kolegët e “The SHBLSH”, Ermal Mamaqin dhe Gent Zenelajn. Për ç’arsye do e refuzoje ribashkimin me ta në një projekt?

Po, është e vërtetë që aty punojnë dy kolegët e mi, secili në emisionet e veta. Përsa i përket pyetjes për çfarë arsye do i refuzoja, unë jam një njeri që nuk njihem për refuzime. Nëse refuzoj dikë, e refuzoj përjetë, por ama nuk refuzoj kot. Por, njëkohësisht, jam shumë i vështirë për të ma mbushur mendjen, kështu që do u duhet shumë punë për të ma mbushur mendjen. S’e di, flisni me Ermal Mamaqin! (qesh)

INTERVISTA E PLOTË

/DRONI.al/