Takimi i ish-kryeministrit Sali Berisha me kryetarin e komunës së Mitrovicës, Agim Bahtiri, u përqëndrua tek çështja e kufirit të Kosovës dhe debatit për korrigjim të kufijve.
Berisha priti në një takim kryetarin Agim Bahtiri, pasditen e djeshme.
Pas takimit, ish-kryeministri Berisha u shpreh se Presidenti i Serbisë ka marrë përsipër të bëjë gjithçka për tjetërsimin e Kosovës “në interes së Serbisë së Madhe”.
Ndërkohë, që kryetari Bahtiri është shprehur se përpjekjet e Beogradit për copëtimin e Kosovës dhe aneksimin e Mitrovicës janë një kërcënim i madh.
“ Jemi të mendimit se integriteti territorial i Kosovës është i paprekshëm, është i shenjtë për çdo shqiptar dhe se Kosova ka të gjitha potencialet për të garantuar liritë e të drejtat e qytetareve shqiptare e minoriteteve në territorin e saj. Ideja e Serbisë së madhe është ideja qendrore e gjithë kësaj që po zhvillohet e po ndodh sot”, ka thënë Berisha.
Berisha është shprehur se në projektin e Serbisë së madhe, presidenti Vuçic do të bëjë gjithçka për tjetërsimin e territorit të Kosovës në interes së Serbisë së madhe. Dhe pikërisht kjo është ajo që e shqetëson kryetarin e komunës së Mitrovicës Agim Bahtiri.
Berisha në fjalën e tij ka thënë se asnjë vend tjetër përveç Serbisë dhe argatëve të saj nuk mendon se në territon e Kosovës ka qoftë dhe 1 m2 tokë serbe.
Sipas Berishës, kjo e gjitha është një përpjekje për të shkelmuar institucionet e Kosovës, sikurse dhe Kushtetutën e Kosovës për qëllime të mirëfillta serbomavie.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
