Deklarata e deputetit të partisë demokratike, Bardh Spahia, është përqëndruar në koncesionet e qeverisë, të cilat sipas tij, janë simbol i korrupsionit të qeverisë.
Në një deklaratë nga selia blu, deputeti thotë se raporti i KLSH nxjerr se pavarësisht se analizat e check up-it i ka kryer vetëm 26% e popullsisë, kompania Nushi kliente e Edi Ramës është paguar 22 milion euro, 7 prej të cilave për analiza të pakryera kurrë.
Ky abuzim me taksat e shqiptarëve për një shërbim të pakryer kurrë është konstatuar edhe nga KLSH. Sipas denoncimit të partisë demokratike, koncesioni i kompanisë që i shërben Ramës, është paguar për 145 mijë vizita të pakryera.
Linja e dytë korruptive është skandali me drejtorinë e Tatimeve, e cila sipas KLSH ka rimbursuar 1.8 milion euro tvsh për koncesionarin e CHEK UP-it, pavarësisht se ligji i përjashton shërbimet shëndetesore nga detyrimet tatimore.
Këto janë abuzime me taksat e shqiptarëve në vend që të investojnë të mbajnë mjekët dhe ti ofrojnë shërbimet e duhura shëndetësore.
Partia demokratike do të anullojë koncesionin e dështuar të CHECK UP-it./K.Balliu
https://www.facebook.com/lulzimbasha.al/videos/2043542689240016/UzpfSTYwNTQxMjU0OTA4OjEwMTU2NTI0NTA3NTI0OTA5/
