Kanë nisur hetimet lidhur me tragjedinë e ndodhur në Itali ditën e djeshme.
Sipas asaj që shkruajnë mediat italiane, prokuroria mendon se kjo nuk është një fatkeqësi e rastit, por ka ardhur si pasojë e gabimeve njerëzore.
“Nuk ishte fatalitet por një gabim njerëzor”, që solli rënien e urës në Genova. Kështu ka deklaruar kryeprokurori i Genovas Francesco Cozzi duke iu përgjigjur gazetarëve në fund të një inspektimi në zonën e urës.
Prokuroria kështu ka hapur hetim për fatkeqësi të qëllimtë dhe vrasje të shumëfishta.
“Ne duhet t’i përgjigjemi vetëm një pyetje: përse ndodhi? Kjo është detyra jonë dhe për ta bërë atë do të bëjmë gjithçka që është e nevojshme”, ka thënë prokurori.
Hapat e parë do të shërbejnë për të rindërtuar të gjitha punimet që po kryheshin nga pikëpamja e mirëmbajtjes dhe gjithashtu për të kuptuar se çfarë ndodhi atë ditë, nëse ka pasur një shkak të menjëhershëm.
Në vijim, policia gjyqësore do të ndërmarrë të gjitha veprimet e nevojshme në institucione, kompani dhe operatorë të përfshirë në forma të ndryshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
