Nga shkeljet e fundit që Drejtoria e Përgjithshme e Tatimeve ka konstatuar, vjen thirrja për të deklaruar pagat nga punëdhënësit.
Tatimet bëjnë thirrje që tatimpaguesit të deklarojnë të plota pagat ose ndryshe do të ndëshkohen.
Njoftimi i Drejtorisë së Përgjithshme të Tatimeve:
Nga këto analiza, është konstatuar se disa punëdhënës deklarojnë paga, për profesione të caktuara, që janë ndjeshëm nën nivelin mesatar të tregut apo janë afër pragut të pagës minimale të përcaktuar për efekt të kontributeve të sigurimeve shoqërore dhe shëndetësore.
Për këtë arsye, DPT, inkurajon tatimpaguesit që të përmbushin në mënyrë korrekte detyrimet, si dhe të reflektojnë në deklarimin real të pagave të punonjësve të tyre.
Administrata Tatimore do të vazhdojë të monitorojë këtë fenomen dhe për çdo parregullsi apo mosveprim korrigjues, do të vijojë me marrjen e masave që parashikon legjislacioni në fuqi.
