Gjykata vendosi masën e sigurisë ‘arrest me burg’ për 42 vjeçaren që tentoi të mbyste vajzat e saj në lum dhe i vuri zjarrin banesës së bashkëshortit të saj.
Në ambjentet e gjykatës së Fierit, Rudina Kishta foli dhe për motivet pse ishte shtyrë të ndërmerrte këto veprime.
“Unë ia kam vënë flakën shtëpisë, sepse bashkëjetuesi im prej 6 muajsh më rrihte mua dhe dy vajzat e mia”,mësohet të jetë shprehur Rudina.
Sipas BallkanWeb, Rudina gjithashtu pohoi para gazetarëve se prej 6 muajsh jetonte në kushte të vështira si dhe pranoi se kishte tentuar të mbyste vajzat e saj. Lidhur me mbytjen e dy vajzave të mitura ajo ka thënë se do ta bënte pasi vajzat janë të sajat.
”Kam 6 muaj qe jetoj në kushte të vështira dhe bashkëjetuesi ishte i dhunshëm dhe pinte”,tha mes të tjerash 42 vjeçarja.
Një ditë më parë, bashkëshorti i saj për mediat tha se gruaja e tij kishte probleme psikologjike dhe shfaqte probleme me depresionin.
