Ministri i peshkimit të Norvegjisë ka dhënë dorëheqjen pasi ka shkelur protokollin e sigurisë kur ai shkoi me pushime në Iran me të fejuarën e tij, një refugjate iraniane lindur në Iran.
Per Sandberg, nënkryetari i partisë anti-imigracioni Progres, e cila është pjesë e koalicionit qeverisës, pranoi se ai kishte udhëtuar në Iran në korrik me të dashurën e tij të re Bahareh Letnes, 28 vjeç, pa e informuar më parë zyrën e kryeministrit.
58-vjeçari Sandberg gjithashtu pranoi se kishte marrë telefonin e tij të punës me të.
Problemi është se Agjencia e inteligjencës e Norvegjisë e rendit rregullisht Iranin si një nga vendet që ka më shumë gjasa të kryejë spiunazh, së bashku me Kinën dhe Rusinë. Për këtë arsye, ish ministri duhej të raportonte që po lëvizte drejt Iranit.
“Për veten e tij kërkoi të largohej dhe mendoj se ishte vendimi i duhur“, tha kryeministrja konservatore, Erna Solberg. “Ai nuk tregoi kuptimin e duhur të përbashkët kur është fjala për trajtimin e çështjeve të sigurisë”.
Historia ka bërë bujë në Norvegji, duke nxitur kritika nga anëtarët e opozitës dhe partia e Sandbergut, e cila është në koalicion me konservatorët dhe liberalët.
Kërkesa e azilit për refugjaten iraniane me të cilën ish ministri u dashurua, u refuzua tri herë në Norvegji dhe ajo u përjashtua, por ajo përfundimisht mori një leje qëndrimi me arsyetimin se ajo rrezikonte ti nënshtrohej me një martesë të detyruar në Iran.
Sandberg do të zëvendësohet si ministër i peshkimit nga Harald Tom Nesvik, një politikan tjetër i Progresit. Sandberg gjithashtu dha dorëheqjen si zëvendëskryetar i Progresit.
Burimi: The Guardian
