Pas lajmit se Inspektorati Mjedisor gjobiti kryetaren e Bashkisë së Sarandës për shkak të situatës së plehrave në qytet, ka ardhur reagimi i ish-ministrit Ylli Manjani.
Përmes një statusi në Facebook, Manjani thotë se gjoba populiste ndaj kryetares së Bashkisë nuk e pastron mjedisin nga plehrat.
Ai shton se qeveria nuk mund të braktisë qytetin, për shkak se nuk i pëlqen më kryetarja.
Postimi i plotë i Manjanit
“Inspektorati mjedisor ka gjobitur Kryetaren e Bashkisë Sarandë për mos pastrim të qytetit.
Lajmi ka marrë dhenë!
Realiteti.
—————-
Fakt është që Saranda, në çdo cm2 hapësirë publike, gjendet në Emergjencë Mjedisore!
Gjoba populiste ndaj Kryetares së Bashkisë nuk e pastron mjedisin nga plehrat. Përkundrazi, shton dhe një letër më shumë në malin e plehrave të pa mbledhura.
Qeveria nuk mund të braktisë qytetin, për shkak se nuk i pëlqen më Kryetarja!
Braktisja dhe shoë politik për të fshehur realitetin, është dëmi më i madh i mundshëm që mund ti bëhet Sarandës dhe Turizmit!”, shkruan Manjani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
