24 vjeçari Ritvan Zykaj, i cili kreu masakrën 2 ditë më parë në Resulaj të Vlorës, ku u mori jetën 8 personave, tashmë është braktisur nga të gjithë.
Ritvan Zykaj do të dalë të hënën rreth orës 10:30 para gjykatës për t’u njohur me masën e arrestit. Pas masakrës ai ka firmosur kartën e të drejtave, por për disa orë rresht marrja në pyetje e tij ka qenë e pamundur.
Shkak është bërë refuzimi i çdo avokati për ta marrë në mbrojtje dhe për të përfaqësuar të drejtat e tij. Për këtë arsye prokuroria ka siguruar dy ditë pas masakrës një avokat kryesisht të caktuar nga shteti.
Zykaj vrau 8 persona nga fisi i tij në fshatin Resulaj të Selenicës. Shkak për vrasjen makabre thotë se ishin akuzat që i bëheshin për vjedhjen e disa pulave në fshat, megjithatë ai do t’i nënshtrohet ekzaminimit psiqik.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
