24-vjeçari Ridvan Zykaj është vënë në pranga në orët e para të mëngjesit të sotëm. Policia njoftoi kapjen e tij në orët e para të mëngjesit.
Policia e Shtetit ka dhënë detajet e para se si nodhi arrestimi të shumëkërkuarit. Sipas njoftimit të policisë, mësohet se pas kërkimeve të shumta gjatë gjithë natës me anë të qenit të gjurmës të përdorur nga ana e strukturave Policore të DVP Vlorë, Renea, Fnsh dhe Delta Forcë, u bë e mundur kapja e autorit të krimit Ridvan Zykaj në një zonë periferike në dalje të Selenicës.
Pas arrestimit, autori është shoqëruar në DVP Vlorë, për veprimet e mëtejshme.
Njoftimi i plotë:
“Si rezultat i punës së mirëorganizuar, krehjes së territorit, kontrolleve të shumta dhe pa ndërprerje gjatë gjithë natës edhe me anë të qenit gjurmes, të përdorur nga ana e strukturave Policore të DVP Vlorë, Renea, Fnsh dhe Delta Forcë, u bë e mundur kapja e autorit të krimit Ridvan Zykaj në një zonë periferike në dalje të Selenicës.
Gjithashtu u sekuestrua edhe arma e krimit, një kallashnikov. Autori është shoqëruar në DVP Vlorë, për veprimet e mëtejshme. Materialet hetimore do t’i referohen Prokurorisë së Rrethit Gjyqësor Vlorë për veprën penale ”Vrasje në rrethana cilësuese, ndaj dy ose më shumë personave”, parshikuar nga neni 79/dhe i Kodit Penal’.”
