Ngjarja makabër e ditës së djeshme ku vdiqën tragjikisht 8 persona të së njëjtës familje do të mbahet mend gjatë në historinë e vrasjeve në vendin tonë.
Të shumtë kanë qënë ata që kanë reaguar në lidhje me ngjarjen, disa duke shprehur ngushëllime e disa duke reaguar ashpër dhe duke dënuar aktin makabër të 24 vjeçarit.
Ish-kryeministri Sali Berisha ka reaguar duke shprehur ngushëllime për familjarët dhe duke dënuar aktin makabër për humbjen e rëndë dhe shokuese.
Une lutem sonte se bashku me ta qe shpirtrat e njerezve te tyre te dashur te gjejne paqen e merituar, shkruan ish kryeministri në facebook.
POSTIMI I PLOTË
Te dashur miq, nje krim horror ne permasat e nje masakre, ne te cilen u vrane 8 qytetare, femije, burra, gra dhe u plagosen disa te tjere, ndodhi kete mbasdite ne Selenice te Vlores.
Duke denuar me ashpersine me te madhe kete akt makaber dhe uruar sherim te plagosurve, shpreh ngushellimet e mia me te ndjera familjareve, te afermve, miqve dhe komunitetit te Selenices per kete humbje te rende dhe shokuese.
Une lutem sonte se bashku me ta qe shpirtrat e njerezve te tyre te dashur te gjejne paqen e merituar! Amin!!! sb
