Ajo aksidentoi rëndë 4 vetë, duke i marrë jetën një vajze 7 vjeç dhe një 29 vjeçari si dhe plagosi rëndë 2 të tjerë.
Sot, shoferja e aksidentit tragjik Rozina Koleci 38 vjeçe është paraqitur për të dhënë dëshminë e saj para se të dalë para gjykatës ku do të jepet masa e dënimit.
Sipas Ora News, në dëshminë e saj shoferja ka treguar se shkak i aksidentit është bërë një gabim i saj në timon. Ajo ka treguar se kishte ngatërruar frenat me gazin.
Nga manovrimi i gabuar i 38-vjeçares Rozina Koleci me automjetin tip “Benz”, përplasi për vdekjen e një vajzë 7 vjeç dhe një 29-vjeçari Ramazan Ishmi, i cili po ecte në ato momente me biçikletë.
Si rrjedhojë, ajo fillimisht është përplasur e biçikletën më pas me furgonin e bardhë dhe më pas me nënën dhe dy vajzat, 6 dhe 7 vjeçe që ndodheshin në trotuarin e vogël në mes të rrugës. 29 vjeçarja Valbona Ndreu dhe dy vajzat e saj kanë dashur të kalonin në anën tjetër.
