Mësohet se 47-vjeçaren Merita Hajdari e ka shtyrë bashkëshorti i saj në vetëvrasje.
Për këtë motiv, është vënë në pranga oficeri i Policisë së Durrësit, Sherif Hajdari.
Ashtu siç u raportua, në momentin e ngjarjes, ajo kishte qënë me persona të tjerë në shtëpi. Para se të ndodhte ngjarja e rëndë, ata ishin dëgjuar nga fqinjët duke debatuar dhe ngritur zërin.
Në momentin e vetëvrasjes në banesë ishte ajo dhe bashkëshorti Sherif Hajdari. Mësohet se marrëdhënia e tyre ishte acaruar dhe kishte sherre dhe debate të vazhdueshme për motive xhelozie.
Pas hetimeve të bëra dhe dëshmive të mbledhura punonjësi i policisë Sherif Hajdari është prangosur nën akuzën e shtyrjes drejt vetëvrasjes së gruas së tij.
47-vjeçarja Merita Hajdari, i dha fund jetës paraditen e së hënës me pistoletën e bashkëshortit polic, në komisariatin e Durrësit.
