Numri i automjeteve që qarkullojnë rritet më shumë gjatë sezonit turistik, për shkak dhe të lëzivjeve në qytete të ndryshme për pushime apo për shkak të ardhjes së emigrantëve.
Sipas të dhënave të INSTAT, gjatë 6- të mujorit të parë të 2018, kanë humbur jetën 98 persona si pasojë e aksidenteve të ndryshme rrugore në akset kryesore rrugore.
Shefi i trafikut per Tiranën, Taulant Gjoka, në një intervistë në Vizion Plus, thotë se arsyeja e gjithë këtyre aksidenteve vazhdon të jetë shpejtësia e madhe. Ato që priren të shkelin rregullat janë moshat e reja të cilat dhe aksidentohen më së shumti.
Gjithashtu, shkaku tjetër i aksidenteve janë dhe punimet në rrugë, të cilat shpeshherë mbeten pezull dhe disa herë të tjera nuk kryhen si duhen. Sipas ekspertit të sigurisë rrugore, Gëzim Hoxha,edhe pse ka shumë faktorë që ndikojnë në rritjen e aksidenteve rrugore janë të shumta, faktori kryesor mbetet ai njerëzor.
