Publikohen pamjet e vrasjes së shqiptarit në Bari të Italisë.
24 vjeçari u ekzekutua nga dy persona me motor.
Viktorian Pikaku u vra me armë zjarri në piacën Abbazia, në provincën Coratos në Bari mbrëmjen e së mërkurës (1 gusht).
Kamerat filmuan momentin
Ka qenë ora 21:30 sheshi ishte i mbipopulluar.
Dy persona me motor Vespa, ngjyrë të zeza, mbërritën në shesh dhe brenda pak sekondash qëlluan 4 plumba drejt Viktorit. Siç tregojnë kamerat, vrasja nuk ka qenë e rastësishme, por 24-vjeçari ka qenë objektivi i qartë i tyre. Plumbat e kanë kapur në mushkëri dhe kokë.
Ambulanca mbërriti menjëherë në vendngjarje, por 24-vjeçari nuk arriti ti mbijetonte plagëve të rënda duke humbur jetën aty mes njerëzve që ndodheshin rastësisht në shesh dhe mikut të tij që ulërinte nga dëshpërimi.
Hetimet
Hetimet e para zbardhin se atentatorët kanë dashur vetëm ta trembin me një paralajmërim por plumbat kanë qënë vdekjeprurëse per shqiptarin, informon gazetarja e Ora News në Romë, Alba Kepi. Hetimet po kryhen nga karabinierët e Tranit. Hipoteza e parë është vrasja për motive pasionale, mendohet se Viktori ka mbrojtur një vajzë. Ende nuk janë identifikuar autorët e krimit. Pikaku kishte precedent penal për krime të vogla.
