Një aksident i rëndë ka ndodhur paraditen e sotme në rrugën Qafë Buall-Krastë në zonën e Bulqizës.
Burime policore kanë bërë të ditur se një makinë ‘Land Rover’ ku po udhëtonin dy persona ka rënë në një humnerë në këtë zonë.
Si pasojë një 60-vjeçar me inicialet A. L., ka humbur jetën në këtë aksident të rëndë, ndërsa 20-vjeçari me inicialet M. B., është sjellë me helikopter në Tiranë dhe ndodhet në gjendje të rëndë.
Ky i fundit ka qenë edhe shoferi i makinës, ndërsa viktima ishte pasagjer.
