Në vende ndryshe nga yni, koncepti i femrës së virgjër është zhdukur prej kohësh dhe askush nuk pyet më se sa të dashur ke pasur para se të martohesh, por vetëm shikon pjesën e dashurisë dhe respektit mes partnerëve.
Mirëpo, krejt e kundërta ndodh në vendin tonë, ku meshkujt e sidomos emigrantët që vijnë tani në verë, kërkojnë nuse të paprekur e normalisht, të virgjër.
Ekspertët tregojnë se ka disa mënyra si mund të dallohet një femër e tillë. Së pari, jo të gjitha femrat kanë dhimbje apo humbje gjaku gjatë kontaktit të parë seksual. Kjo duhet të dihet nga meshkujt, pasi ka pasur shumë raste që ata i kanë akuzuar femrat si jo të virgjëra, pasi nuk kanë parë gjakderdhje.
Virgjërinë e një femre mund ta përcaktojë gjinekologu, apo ekspertiza ligjore në rast se ajo është përdhunuar. Por edhe kjo është tjetër histori.
Pra, thënë me fjalë të tjera, gjithçka është çështje besimi. Nëse nuk i keni besim një femre në fjalët që thotë, më mirë mos u lidhni fare me të. Pastaj, rëndësi ka ta doni dhe t’ju dojë dhe jo virgjëria./joq
