Një familje 6 anëtarëshe u shua tragjikisht gjatë një zjarri në një motel në Michigan, thanë autoritetet. Ngjara u regjistrua të shtunën, teksa viktima mbetën një grua 26 vjeçare dhe 5 fëmijët e saj të moshës 2 deri në 10 vjeç.
Kiarre Samueli vdiq kur zjarri u ndez në Cosmo Extended Living Motel rreth orës 1:45 të mëngjesit me kohën lokale, sipas Zyrës së Sherifit të Qarkut Berrien.
Pesë fëmijë, të cilët policia tha se kishin lidhje me Samuelin, u vranë gjithashtu: Marquise Thompson 10 vjeç, Gerome Randolph 7 vjeç, Samuel Curtis 5 vjeç, Savod Curtis 4 vjeç dhe Avery Curtis 2.
Zyra e Sherifit nuk specifikon marrëdhënien midis viktimave, por ABC Neës raporton se Samueli ishte nëna e pesë fëmijëve.
Tetë persona të tjerë, përfshirë edhe katër zjarrfikës, u transportuan në një spital lokal për t’u trajtuar për thithjen e tymit, tha zyra e sherifit.
Autoritetet po hetojnë shkakun e zjarrit.
