Edhe pse e konsideron si futbollistin kryesor të skuadrës pasi e ka caktuar dhe kapiten, thashethemet e lidhin Mauro Icardin larg Interit. Madje sulmi i fuqishëm i Realit të Madridit për të rrëmbyer yllin argjentinas pas ikjes së Ronaldos po tremb kampin zikaltër.
Siç shkruan gazeta “Tuttosport”, kapiteni zikaltër konsiderohet i paprekshëm nga drejtuesit, por përballë një oferte joshëse që kap 150 milionë euro, Maurito mund të përfundojë në La Liga si sulmuesi kryesor i Realit të Madridit.
Dhe nëse kjo ndodh, atëherë Piero Ausilio duhet të gjejë një tjetër bomber për sulmin e Interit. Dhe pasardhësi i tij mund të ishte një tjetër argjentinas, Gonzalo Higuain. Ai është me valixhe në duar dhe do të largohet nga Torino.
Gonzalo Higuain është lojtari ideal në këto kushte, sepse e njeh mirë kampionatin dhe vlera e kartonit të tij mund të shkojë 55 milionë euro, ose maksimalisht 60. Juventusi do të ishte i kënaqur me këtë shifër dhe do ta linte të lirë drejt zikaltërve.
Zikaltërit tani janë të “mbrojtur” nga skadimi i klauzolës. Ikardi nuk largohet dot nëse një klub paguan 110 milionë euro, sepse tani për të çmimin e vendos Interi. Spaletti e do në skuadër për sezonin e ardhshëm, por 150 milionë euro në këtë kohë “krize” që është përfshirë ekipi zikaltër, nuk janë pak…
