Atë e pamë të shfaqej kudo gjatë muajit të botërorit 2018, pasi është dhe moderatore e ngjarjeve sportive.
Moderatorja Eva Murati, ka finalizuar me sukses punën e saj me futbollin dhe të gjithëve do të na dukej e zakonshme nëse do të shihnim foto të ‘nxehta’ të bukuroshes nga brigjet e detit.
Por, moderatorja ka zgjedhur të punojë më shumë seç duhet këtë sezon vere. Në një postim në opsionin’ My story’ në instragram, Eva Murati ka bërë publike një nga projektet e saj së fundmi me të cilën do të angazhohet gjithë verës.
Së fundmi, ajo ka udhëtuar drejt qytetit bregdetar të Sarandës, për të nisur xhirimet e filmit më të ri, të titulluar “Unë si ti”.
“Gati për xhirimet”, ka shkruar teksa publikon dhe fotot e saj nga vendi i xhirimit. Eva Murati e ka deklaruar dhe më parë në daljet e saj publike se një ndër pasionet e saj është dhe aktrimi dhe gjithmonë do ta shohim të angazhuar në projekte dhe të përfshirë në kinematografi./K.Balliu
