Opozita nuk ishte e pranishme këtë seancë parlamentare ku pritej të votohej dhe projektligji për statusin e gjyqtarëve, ndërkohë që punimet vazhduan dhe me mungesën e tyre. Për ligjin në fjalë, nevojiten 84 vota, dhe mazhoranca ende nuk po arrin do ti sigurojë.
Pas fjalëve të Luan Ramës ku paraqiti qëndrimin e tij dhe LSI ndaj votimit të ligjit në fjalë, pas kësaj,Kreu i Komisionit të Ligjeve dhe njëkohësisht deputeti i PS, Ulsi Manja, në një deklaratë për mediat jashtë sallës së parlamentit kërkoi konsensusin e opozitës për votimin e ligjit të magjistratëve.
Ai ka sulmuar opozitën, e cila ka deklaruar më herët se drejtësia e këtij vendi ndodhet në kolaps. Manja tha se “nuk ka kolaps të sistemin e drejtësisë, por opozita nuk e kupton si duhet reformën në drejtësi.”
”Projekt ligji për magjistratët është votuar njëherë me 84 vota në mandatin e kaluar dhe aktualisht duke qenë se dy organet reja të drejtësisë nuk janë krijuar ende për të bërë emërimin e magjistratëve të ri propozimi ynë synon që këtë ta bëjë direkt ligji në një dispozitë tranzitore. Ne nuk i kemi 84 vota, por kjo nuk na pengon që ne të shohin njëri-tjetrin ën sy dhe të themi disa të vërteta për reformën në drejtësi.”-u shpreh Manja.
Manja ka paralajmëruar hapur opozitën duke i thënë se “Vera e korrikut 2016 do tju shndërrohet në dimër”.
Po ashtu, Manja sfidoi hapur opozitën, duke ju thënë se do të mbeten pa asnjë votë. “Zbrisni me këmbë në tokë, ose do të mbeteni pa asnjë votë”.- i është drejtuar Manja opozitës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
