U vendos data 25 korrik data e shpalljes së vendimit lidhur me prokuroren e pezulluar në detyrë për shkak të hetimit që po i bëhet pasurisë së saj.
Prokurorja Rovena Gashi refuzoi të ishte e pranishme gjatë në procesin e vettingu. Madje ajo renditi 8 motivet pse këtë proces e vlerëson si të paragjykuar. Ajo në shkresën me arsyet, shkruante se tashmë vendimi është marrë dhe se Vetting-u është kthyer në një arenë e diskreditimit publik të njerëzve të drejtësisë
Por refuzimit të saj, Komisioni i pavarur i Kualifikimit nuk e ka marrë paraysh dhe pavarësisht kësaj, KPK ka nisur procesin e rivlerësimit për prokuroren Rovena Gashi.
“Nëse subjekti i rivlerësimit, Rovena Gashi do të ishte në sallë do të paraqiste pretendimet e saj. Këtë mëngjes Gashi ka depozituar një deklaratë përmbyllëse që nuk pranon të jetë e pranishme” u shpreh gjyqtarja Genta Bungo duke shtuar se prokurorja kërkon rikonfirmimin në detyrë.
Gashi ka thënë se hetimi dhe vlerësimi i saj nga KPK është i paragjykuar dhe i pavlefshëm për shkak se është në hetim. Gjithashtu është shprehur se vendimin për të e kanë marrë që prej 8 muajsh, kur dhe vendosën ta hetojnë për pasurinë.
