Partizani nuk arriti të kalojë në Slloveni. Ai u mposht me rezultatin 2-0 nga skuadra e Mariborit.Këtu përfundon ky sezon për Partizanin në Europa League.
Skuadra e drejtuar nga Skënder Gega humbi 0-1 edhe në “Selman Stërmasi” javën e kaluar.
Gjithsesi në sfidën me Slloveninë, Partizani luajti shumë mirë vetëm 31 minuta lojë, kur Dervisevic arriti të kalojë në avantazh vendasit e Mariborit.
Të kuqtë goditën dy herë traversën, fillimisht me Atandën kur loja ishte me rezultatin 0-0 dhe më pas me Abdurrahimin në fund të ndeshjes.
Goli i dytë nga sllovenët u shënua në sekondat e fundit, nga ana e Tavares, i cili i dha edhe rezultatin 2-0 dhe kualifikimin me rezultatin total 3-0.
Nga ana tjetër, pas humbjes së 5-0 në Letoni ndaj Ventspilsit, Luftëtari zhvilloi një tjetër paraqitje jo aq shpresëdhënëse në “Elbasan Arena”, në sfidën që përfundoi në barazim 3-3.
Skuadra e drejtuar nga kroati Kostiç kali e para në avantazh me Shkurtajn, por letonezët përmbysën brenda 45-minutëshit të parë.
Në pjesën e dytë, Luftëtari erdhi fuqishëm duke u rikthyer sërish në avantazh, derisa në minutën e 93 skuadra e Ventspils shënoi golin e tretë dhe e la rezultatin përfundimtar me barazimin 3-3.
Kështu njësoj si Partizani dhe Luftëtari i jep lamtumirën Europës që në raundin e parë, në këtë pjesëmarrje historike për gjirokastritët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
