Kanë dalë detaje të reja lidhur me vrasjen mafioze që iu bë çiftit Bërçana, pak ditë më parë në qytetin e Shkodrës.
Boran Bërcana thuhet se ka bërë një tentativë për të lëvizur makinën në drejtim të një tuneli për ti shpëtuar atentatorëve, por edhe pse ka lëvizur disa metra nuk i ka shpëtuar plumbave, pasi autori e ka ndjekur me hapa makinën duke vazhduar të qëllojë me armën brenda xhamit të hapur.
Ndërkohë raporti i mjekësisë ligjore ka nxjerrë të dhëna në lidhje me vrasjen.Sipas ekspertëve, shënjestra e atentatit me armë ka qenë ish-oficeri i krimeve, Bercana.
Ai është qëlluar i pari dhe ka marrë 21plumba. 5 plumbat e tjerë kanë qëlluar bashkëjetuesen e tij, Silva Ndoci, duke bërë që të humbin jetën në vend.
Ngjarja vështirësohet edhe më shumë prej faktit se makina me të cilën dyshohet se kanë lëvizur autorët ka qenë e vjedhur, dhe pas ngjarjes u dogj në afërsi të Koplikut.
