Jose Sampaoli nuk do të jetë më trajner i Argjentinës. Lajmi tashmë është bërë zyrtar nga vetë Federata e Futbollit në Argjentinë.
Pas një takimi të presidentit të Federatës Argjentinase të Futbollit, me teknikun Sampaoli, është arritur marrëveshja për ndërprerjen e marrëveshjes, kundrejt një dëmshpërblimi prej dy milionë eurosh.
Jorge Sampaoli drejtoi Argjentinën në botërorin “Rus 2018”, ku skuadra u eliminua që në fazën e 1/8-ave, duke zhgënjyer totalisht.
Tekniku përfundoi në qendër të kritikave, jo vetëm për listën prej 23 lojtarësh që mori në Rusi, por edhe për zgjedhjet e dyshimta në formacion.
Në një intervistë ,trajneri i Argjentinës, Jorge Sampaoli, iu përgjigj në këtë mënyrë atyre që kërkonin largimin e tij nga stoli i Argjentinës pas eliminimit në fazën e 1/8-ve të Botërorit nga Franca.
” Është shumë e dhimbshme të eliminohemi nga Kampionati Botëror, por nuk e konsideroj opsionin e dorëheqjes “…
Trajneri i ri që do të udhëheqë Argjentinën në ndeshjet e radhës, do të jetë Joze Nestor Pekerman i cili aktualisht është trajner i Kolumbisë.
Për Pekermanin, emërimi në krye të stolit argjentinas, do të ishte një rikthim, duke qenë se ka drejtuar skuadrën bardhekaltër në vitet 2004-2006.
