U përball sot me komisionin e pavarur të kualifikimit Artan Zeneli. Ai është anëtari i tretë i Gjykatës së Lartë që përballet me procesin e vetingut, pas Edmond Islamajt dhe Tom Ndrecës.
Trupi gjykues drejtohej nga Etleda Çiftja dhe ka si anëtare Xhensila Pinen dhe Valbona Sanxhaktarin. Zeneli ishte i pranishëm në seance, pa avokat.
Relatorja Xensila Pine thotë se Artan Zenelit i eshte revokuar viza amerikane, në vitin 2017 dhe nuk e ka deklaruar këtë në formularin e DSIK-së.
Sipas KPK ai eshte i papërshtashem për të vazhduar detyren. Sa i përket pasurisë, KPK ka kryer hetimin e saj administrativ. Ai ka një vilë në Kodrën e Diellit dhe ka mospërputhje mes vlerës së deklaruar në formular dhe kontratës së shitjes 197 mijë euro.
Pagesa për vilen është bërë nëpërmjet bankës, por jo te shoqëria e ndërtimit, por te njëri prej ortakeve. Ka mosperputhje ne lidhje me periudhen e blerjes dhe vleren e nje apartamenti tjeter ne Tirane, qe nje here thote qe e ka blere ne 1999 nje here ne 2000.
Ai ka edhe një apartament tjetër 100 mijë dollarë në Tiranë për të cilin ka gjithashtu mospërputhje për vlerën dhe sipërfaqen. Për apartamentin 74 metra katrore në Kavajë, rezultojnë mospërputhje për sipërfaqen.
Por ka ardhur dhe përgjigja e tij pas gjithë konstatimeve nga KPK:
“Kam një vërejtje të thjeshtë, DSIK më ka nxjerrë të përshtatshëm një herë. Më pas, me insistimin tuaj për datën dhe saktësinë e formularit është bërë rishikim. Formularin kam nisur ta plotësoj në nëntor 2016 dhe më pas Kushtetuesja e ka bllokuar këtë aspekt dhe më pas kaloi në janar 2017. Data e formularit të DSIK është 16 janar 2017 dhe data e dorëzimit është korrigjuar. Më datën 26 janar jam thirrur në Konsullatë me pasaportë dhe më është komunikuar revokimi i vizës private turistike b1b2. Duke qene se unë kisha dy viza dhe jam interesuar për cilën vizë bëhet fjalë se kam edhe vizë a1. Me datë 27 janar kam shkuar në DSIK dhe kam dorëzuar formularin dhe kam deklaruar se nuk më është refuzuar hyrja në SHBA, po vetëm se më është anuluar njëra vizë. Në qershor të këtij viti jam interesuar nëse mund të udhetojë me vizën e tipit a1 zyrtare dhe nga ambasada më është thënë që më është revokuar edhe viza e dytë. Kam kërkuar sqarim dhe më është revokuar më 4 qershor të këtij viti, pasi DSIK më ka nxjerrë të papërshtatshem”– ka thënë ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
