Kanë qarkulluar disa foto të 30-vjeçarit Boran Berçama që mbeti i vrarë së bashku me bashkëjetuesen e tij brenda makinës në qytetin e Shkodrës.
30-vjeçari nuk njihej si person problematik gjatë kohës kur ka ushtruar detyrën e policit në komisariatin e policisë në Pukë.Një nga pistat ku po heton policia e Shkodrës,është në lidhje me detyrën që ka ushtruar.
Derimë tani nuk ka ardhur asnjë nga familjarët pranë banesës dhe pranë makinës, ku gjenden dhe trupat e dy të rinjve.
Zona ku është vrarë çifti, ka një përqendrim të madh të bizneseve, edhe pse ata thonë që nuk kanë dëgjuar të shtëna. Por raportohet se aty ka patur disa kamera të cilat policia i ka sekuestruar për të zbuluar ndonjë detaj ne lidhje me autorët.Dyshimet janë se autori/autorët kanë ndjekur lëvizjet e çiftit.
Kjo për shkak të saktësisë së gjuajtjes me plumba dhe faktit se nuk eshte ndjere asgje nga banorët e lagjes. Dyshohet për 2 persona të cilët kanë monituruar gjithë kohës çiftin dhe kanë vrarë dhe vajzën për të hequr çdo dëshmi.
