Gjatë mbrëmjes së djeshme u krye një aksion për pika që meren me shitjen e mishit. Shtetasi Iljaz Mancellari u kap në flagrancë duke kryer therje të jashtëligjshme, gjatë orëve të para të mëngjesit në një ambient të paregjistruar dhe në mungesë të kushteve higjieno-sanitare.
Atij iu konfiskua në Pogradec afro 1 ton mish vici dhe 35 kg të brëndshme lope, gjithashtu sipas njoftimit te AKU subjekti nuk kishte asnjë dokumentacion për kontrollet veterinare dhe sigurinë e produktit.
Produkteve të bllokuara, 9 karkasa vici me peshë 655 kg, një karkasë lope me peshë 205 kg si dhe 35 kg të brendshme i mungonin dokumentacioni shoqërues, vula veterinare, kuponi tatimor etj.
Për shkeljet e mësipërme përveç masës administrative së bllokimit të produktit dhe konfiskimit të mjeteve të punës ( si 42 çengela, një thikë dhe një sopatë), u morën edhe masat administrative me gjobë në vlerën 500.000 lekë si dhe ndalim i menjëhershëm i aktivitetit.
