Kabineti i ri i Erdogan është vendosur. Nuk ka munguar as fakti se pjesë e kabinetit janë dhe emrat shqiptarë. Bëhet fjalë për ministrin e Thesarit dhe Financave, Berat Albayrak, i cili është dhëndri i Presidentit Erdogan.
Ky vendim është interpretuar nga kritikët, si një tentativë e presidentit për të pasur kontroll të plotë në jetën ekonomike dhe financiare të vendit.
Presidenti i Turqisë, Recep Tayyip Erdogan, ka prezantuar dje kabinetin e ri qeveritar. Në një ceremoni madhështore, ku ishte i pranishëm dhe kryeministri shqiptar, Erdogan prezantoi emrat e rinj me të cilët do të drejtojë vendin gjatë këtij mandati.
Berat Albayrak është 40 vjeç dhe prej vitit 2004 është i martuar me vajzën e presidentit, Esra Erdogan. Më herët ai ka qenë edhe CEO i Çalık Holding, ndërsa ka mbajtur edhe postin e Ministrit të Energjisë dhe Burimeve natyrore.
Emrat e kabinetit të ri të Erdogan:
Zëvendëspresident: Fuat Oktay
Ministër i Drejtësisë: Abdulhamit Gül
Ministre e Punës, Shërbimeve Sociale dhe Familjes: Zehra Zümrüt Selçuk
Ministër i Mjedisit dhe Urbanizmit: Murat Kurum
Ministër i Jashtëm: Mevlüt Çavuşoğlu
Ministër i Energjisë dhe Resurseve Natyrore: Fatih Dönmez
Ministër i Rinisë dhe Sportit: Mehmet Kasapoğlu
Ministër i Thesarit dhe Financave: Berat Albayrak
Ministër i Brendshëm: Süleyman Soylu
Ministër i Kulturës dhe Turizmit: Mehmet Ersoy
Ministër i Arsimit: Ziya Selçuk
Ministër i Mbrojtjes: Hulusi Akar
Ministër i Shëndetësisë: Fahrettin Koca
Ministër i Industrisë dhe Teknologjisë: Mustafa Varank
Ministër i Bujqësisë dhe Pylltarisë: Bekir Pakdemirli
Ministre e Tregtisë: Ruhsar Pekcan
Ministër i Transportit dhe Infrastrukturës: Cahit Turan.
