Edmond Jonuzi ishte qëlluar disa herë për vdekje me thikë. Pasi u gjet i therur dhe i shtrirë në një stacion të metrosë në Veri të Londrës, policia ka ngritur dyshimet e para dhe po heton në lidhje me vrasjen.
Mediat e huaja shkruajnë për një një tjetër person të vënë në pranga si i dyshuar. Policia tha se një 20-vjeçar, identiteti i të cilit nuk bëhet publik, është arrestuar pasi dyshohet se ka gisht në vrasjen e tij. Ndërkohë, si pasojë e hetimeve edhe tre persona të tjerë, shkruan BBC, akuzohen si të dyshuar në lidhje me ngjarjen.
Jonuzi jetonte në Londër. Ekspertët mjekoligjorë pas autopsisë dolën në konkluzionin se 35-vjeçari humbi jetën për shkak të goditjeve me thikë.
Dyshimet e para ishin se Jonuzi u vra pas një sherri mes dy grupeve rivale, por hetimet që po kryhen nga detektivët e Komandës së Vrasjeve dhe Krimeve të Rënda në policinë e kryeqytetit britanik nuk kanë arritur akoma në një përfundim të saktë se kush ka qenë arsyeja që vdiq 35-vjeçari.
