Trupa gjykuese gjatë seancës së gjyqtarit Admir Thanza u ndër të tjera u shpreh se gjyqtari rezulton i dënuar në Itali në vitin 1999 për vjedhje kryer në bashkëpunim me 40 ditë burg dhe 100 mijë lireta.
Ndërkohë që gjyqtari Admir Thanza ka thënë se e ka kryer dënimin, por thotë se nuk e ka kryer ai aktin e vjedhjes, por një person tjetër, ndërsa e ka marrë përsipër për shkak të rrethanave familjare.
“Nuk e kam kryer unë aktin e vjedhjes, por një person tjetër, ndërsa e mora përsipër për shkak të rrethanave familjare. Shkova në Itali për të parë nipin 9-vjecar që vuante nga një sëmundje e rëndë. Nëna e tij që bëri gabimin, ishte kujdestarja ligjore dhe nëse ajo depërtohej nipi rrezikonte jetën. Unë sakrifikova dhe e pranova. Jam krenar që e bëra këtë akt human dhe nuk dua të më paragjykoni sepse ai sot është 28 vjeç dhe është jurist jashtë vendit. Më trajtoni njëlloj si të gjithë gjykatësit e tjerë“– ka thënë gjyqtari Thanza, ndërsa nuk i ka mbajtur dot lotët.
Po ashtu Thanza është shprehur dhe për faktin se nuk kishte shënuar bnjë garazh në deklaratën e pasurisë, duke thënë se kjo nuk ka pse kthehet në një çështje alarmante në jetën e tij.
‘Nuk e kuptoj pse ky objekt garazhi të bëhet kaq alarmant për jetën time, kam shkuar në detaje ekstreme kur në formular kam deklaruar edhe një celular. Kam vlerësuar trupin gjykues dhe kam zgjedhur që të paraqitem personalisht. Avokati po më mbron nga ana ligjore’
Trupa gjykuese e KPK pritet të marrë vendimin përfundimtar për gjyqtarin më datë 17 korrik në orën 10:00 nëse do kalojë apo jo vettingun.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
