Anija shqiptare ‘Butrinti’ ka shpëtuar gomonen me 41 emigrantë në detin Egje e cila rrezikonte mbytjen. Burime nga ministria e Mbrojtjes bëjnë me dije se emigrantët ishin nisur nga brigjet e Çeshmes në Turqi me destinacion në ishullin Kios në Greqi.
Në gomone ndodheshin 10 fëmijë dhe 7 gra, 2 prej të cilave shtatzënë.Anija Butrinti e Forcës Detare ia dorëzoi 41 emigrantët një anijeje të Frontex. Anija ‘Butrinti’ patrullon në kuadër të operacionit të NATO-s në detin Egje.
