Policia e Durrësit ka arrestuar në flagrancë tre shtetas dhe një tjetër është shpallur në kërkim, pasi janë kapur duke shpëndarë lëndë narkotike.
Pas një pas një hetimi rreth 2 – mujor me metoda speciale kanë bërë të mundur goditjen e një rasti të shpërndarjes të lëndëve narkotike, policia ka arrestuar 3 shtetasit, të tre banues në qytetin e Krujës.
Gjithashtu po punohet për kapjen e një tjetër shtetasi.
Shtetasit e mësipërm, në fshatin Larushk, Krujë u kapën në flagrancë duke shkëmbyer me njëri – tjetrin një sasi lënde narkotike në një automjet tip Benz, si edhe gjatë kontrollit të ushtruar në banesat e tyre në total u gjetën dhe sekuestruan në cilësinë e provës materiale:
43 kilogramë e 400 gramë lëndë narkotike e dyshuar e llojit Marijuanë; Automjetet tip Benz dhe Opel në pronësi të shtetasve të arrestuar; Aparate telefoni celularë.
Materialet i kaluan Prokurorisë pranë Gjykatës së Shkallës së Parë Krujë për veprën penale” Prodhimi dhe shitja e lëndëve narkotike” parashikuar në nenin 283/2 të Kodit Penal.
