Ina Zhupa, zëdhënësja e Partisë Demokratike i ka dhënë mundësinë publikut që të dijë dicka më tepër nga jeta e saj private gjatë një interviste në tvklan.
Në një intervistë për Rudinën, ajo ka folur për historinë e dashurisë me Fabin si dhe me faktin nëse do ketë së shpejti një dasmë.
Ina Zhupa: Në fakt nuk është se kemi ndonjë plan për ndonjë dasmë të shpejtë apo afat-mesme. Ne bashkëjetojmë dhe mendojmë si të na i sjellë Zoti gjërat e tjera në vazhdimësi, nuk është se dasma është plani jonë apo të mendojmë si ta organizojmë këtë dasmë. Ne jemi bashkë dhe kjo është e rëndësishme, lidhja jonë shpirtërore dhe rehatia që kemi me njëri-tjetrin, kjo besoj se na mjafton ne të dyve.
Nuk munguan pyetjet nga politika dhe marrëdhënien që ka me kreun e opozitës, Lulzim Basha, të cilin e përshkruan komod.
Ina Zhupa: Unë marrëdhënien e kam të drejtpërdrejtë me Zotin Basha dhe mendoj se kjo më ka lehtësuar dhe jam me fat. Zoti Basha është shumë komod, është njeriu më komod që mund të kesh për të punuar sepse të jep hapësirën që ti të marrësh vendimmarrje, të bësh denoncime dhe patjetër që ka lehtësinë e komunikimit. Ndoshta ngaqë është i shkolluar jashtë, e ka këtë pjesën e hierarkisë shumë më fleksibël sesa njerëzit që ndoshta mund të kenë pasur trashëgiminë komuniste. Ai shqetësohet edhe për pjesën personale familjare të anëtarëve të stafit dhe mundohet që edhe me stafin e tij t’i shikojë të ndihen mirë në punë.
Sot në një bisedë miqësore me Rudina Magjistari në Tv Klan
Publiée par Ina K. Zhupa sur Jeudi 5 juillet 2018
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
