Prokuroria italiane ka kërkuar burgim të përjetshëm për Edmond, Elidon dhe Pjetër Lleshajn, si dhe për Eduard Nikollin dhe Fation Stojanin, të akuzuar për vrasjen e kushërinjve Agron dhe Alban Lleshaj.
Krimi i rëndë ndodhi natën ndërmjet 9 dhe 10 nëntorit 2016. Paçka se të akuzuarit dhe viktimat kanë mbiemra të njëjtë, ata nuk kanë lidhje midis tyre.
Vrasja e dyfishtë tronditi qytetin e Alto Milanese, pas një takimi të zhvilluar midis tyre për të sqaruar disa mosmarrëveshje.
Mediat italiane shkruajnë se mosmarrëveshjet kishin lindur për kontrollin e territoreve të shitjes së lëndëve narkotike.
Mediat lokale italiane shkruajnë se kërkesa e prokurorit publik Giuseppe D’Amico nuk ka “asnjë tolerancë” pavarësisht procesit me gjykim të shkurtuar, ndërsa dënimi për ta do të jepet gjatë muajit shtator.
Ngjarja
Sipas hetimeve, Alban Lleshaj pak para vrasjes është takuar me disa shqiptarë të tjerë rezidentë po në provincën e Milanos. Mes tyre ka shpërthyer një grindje që ka detyruar Albanin të thërrasë djalin e xhaxhait të tij Agronin.
Ai ka mbërritur me makinën e tipit Polo Volswagen gri, duke u përpjekur të largoheshin me shpejtësi. Pikërisht në këtë moment ata janë goditur me armë zjarri, nga grupi i tjetër i shqiptarëve. Albani ka mbetur i vdekur menjëherë, ndërsa Agroni dhe pse me plumba në trup ka vazhduar t’i jap makinës deri sa nuk ka mundur më.
Makina është ndalur në rrugën Morbegno, të komunës së Canegrates, rreth 250 metra nga vendi i atentatit. Pak momente më vonë e po në këtë vend, policia italiane ka gjetur trupat pa jetë të dy kushërinjve Lleshaj Policia italiane e Legnanos, Monzës e Bustio Arsizio nën drejtimin e prokurorit Luca Pisciotta, po hetojnë me shpejtësinë gjetjen e autorëve të këtij krimi e para se të shpërthej një dhunë e re gjakmarrje.
Një pistë e fortë hetimi për autoritetet italiane mbetet trafiku i drogës me të cilin ishin përfshirë shumë herë dy kushërinjtë Lleshaj.
