Policia e Korçës vuri në pranga tre roje të një shoqërie private për ruajtjen e objekteve, në kuadër të një operacioni të koduar “Diezel 6”, të cilët akuzohen se kanë vjedhur karburant në mjetet e gazsjellësit “TAP”. Gjatë operacionit janë sekuestruar 1500 litra naftë.
Kastriot Gurra, 50 vjeç, banues në fshatin Backë-Skrapar, Sandri (Sajamit) Tërpollari, 32 vjeç, banues në fshatin Ravonik-Korçë si dhe Sali Tërpollari, 60 vjeç, banues në fshatin Backë-Skrapar ranë në pranga.
Këta shtetas u arrestuan pasi këta shtetas duke qenë bashkë roje në turn në vendin e quajtur ”Qafa e Martës” në fshatin Shtyllë, dyshohet së kanë shpërdoruar detyrën, duke vjedhur një sasi prej 1500 litra karburant (naftë) nga mjetet e rënda që kishin në ruajtje.
Në vijim të hetimeve lidhur me këtë rast filloi procedimi penal në gjendje të lirë edhe ndaj dy shtetasve L.H, 43 vjeç, si edhe E.D, 22 vjeç, të dy banues në fshatin Belorta-Korçë, sepse këta shtetas kanë blerë këtë sasi nafte të dyshuar si të vjedhur nga tre rojet.
Në cilësinë e provës materiale u gjetën dhe sekuestruan 1500 litra naftë, në mjetet tip “Nissan Navara” me targa AA 642 IO dhe mjeti tip “Benz” me targa AA 146 SA, si edhe 30.000 lekë .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
