Të tjera lëkundje tërmeti janë ndjerë në vendin tonë pas goditjeve të forta paraditen e djeshme. Vetëm nga mesnata e deri në orët e para të ditës së sotme ka pasur 6 lëkundje tërmeti me forcë të ndryshme. Por ajo që vihet re është se pjesa më e madhe e lëkundjeve vijnë nga deti Adriatik, pranë Gjirit të Lalëzit.
– Kështu në orën 00:48 ka pasur një lëkundje me magnitudë 3.4 të shkallës Rihter me epiqendër në detin Adriatik pranë Gjirit të Lalzit me thëllësi 15 km.
– Në orën 2:09 minuta ka pasur një lëkundje tjetër me magnitudë 3.9 të shkallës Rihter, në Shetaj, kepi i Rodonit me thellësi 42 km.
– Në orën 3:17 të mëngjesit sërish një lëkundje pranë Mazhës në Fushë-Krujë me thellësi 18 km dhe me magnitudë 3.
– Por nuk mbaron me kaq. Në orën 4:14 minuta, lëkundje më e lehtë është ndjerë 3 km në Jugperëndim të Thumanës me magnitudë 2.3 dhe thellësi 17 km.
– Tjetri sipas Institutit të Gjeoshkencave, Energjisë, Ujit dhe Mjedisit ka rënë në orën 4:20, sërish në detin Adriatik, pranë Gjirit të Lalëzit me magnitudë 3.1 dhe thellësi 6 km.
– Ndërsa i fundit në orën 4:33 pranë Kuraten në Gjirin e Lalëzit me magnitudë 2.5 dhe thellësi 24 km. Edhe dy goditjet e forta që tronditën vendin gjatë ditës së djeshme duke shkaktuar panik tek qytetarët vinin nga zona pranë Gjirit të Lalëzit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
