Debati për prishjen e godinës së Teatrit Kombëtar ka përçarë edhe vëllezërit shkodranë, shkrimtarin Primo dhe aktorin Bruno Shllaku, djemtë e regjisorit dhe Artistit të Popullit, Lec Shllaku, dhe nipa të përkthyesit të famshëm Gjon Shllaku.
Shkrimtari Primo Shllaku ka dalë në mbështetje të ruajtjes së godinës ndërsa aktori Bruno Shllaku është “pro” shembjes.
“Teatri është tempull dhe tempujt janë të shenjtë, për mua ky vend është vend i shenjtë sepse është tempull. Padrejtësisht paskemi menduar sikur mbaroi koha kur shembeshin tempujt, sikur ajo histori mbaroi me ’67, ka prapë tundime për të prishur tempujt” – tha Primo Shllaku në protestën qytetare te nje dite me pare.
“Ky kompleks është organik, autentik dhe unik. Çdo gjë tjetër këtu “i rrin si shalla gomarit”. Këtu ka kaluar historia e Teatrit shqiptar”, shtoi ai.
Më herët në Komisionin Parlamentar Bruno Shllaku ishte shprehur se teatër është jashtë çdo parametri dhe se është pro shembjes.
