Pavarësisht se kishte menduar t’i jepte fund karrierës me kombëtaren, mesfushori kosovar, Valon Behrami ka marrë një tjetër vendim.
Në një deklaratë për mediat pas eliminimit të Zvicrës nga Kupa e Botës, Behrami bëri me dije se nuk ka ndërmend të largohet nga kombëtarja zvicerane.
“Si sportist jam shumë i zhgënjyer nga eliminimi, por vazhdoj të jem krenar. Dal nga ky Botëror me kokën lart. Suedezët na kanë treguar se kemi limitet tona. Por këtë unë e interpretoj si një objektiv të ri për t’u arritur. A do largohem? Jo, unë dua të vazhdoj. Unë kam ende motivim të madh në mendjen time, shpresoj që kështu të jetë edhe fizikisht. Pse ndryshova mendje? Në ditët e fundit u ndjeva mirë këtu në ekip. Ndjej se mund t’i jap përsëri kësaj skuadre. Dështimet në Botëror? Tani jam bërë si tip eksperti”,-deklaroi duke qeshur mesfushori 33-vjeçar nga Mitrovica e Kosovës.
Zvicra u mposht 1-0 nga Suedia, duke u eliminua kështu që në fazën e 1/16-ave të Kupës së Botës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
