Komisioni i Pavarur i Kualifikimit po zhvillon seancën dëgjimore me Prokuroren e Përgjithshme të Shqipërisë, Arta Marku.
KPK ka vlerësuar se Marku nuk ka konflikt interesi dhe fshehje të pasurisë.
ILDKPKI ka konstatuar se Marku nuk ka paraqitur deklarim të rremë për pasurinë. Marku ka një apartament 100 metra kator në Shkodër në pronësi më bashkëshortin e saj.
DSIK ka vlerësuar përshtashmërinë e Arta Markut për të vazhduar detyrën e saj.
Arta Marku në 10 vitet e fundit ka zhvilluar veprimtarinë në Prokurorinë e Shkodrës.
Për aftësinë profesionale të Markut, KPK ka marrë në shqyrtim dosjen e një shtetasi me iniciale A.B.
KPK i ka kërkuar llogari Markut për ristrukturimin e Prokurorisë së Përgjithshme
Vetë Marku nuk është e pranishme në seancë, por përpara trupit gjykuese përfaqësohet nga avokatja Lirime Çukaj.
Seancën e kryeprokurores shqiptare, për herë të parë po e ndjekin edhe mediat e huaja.
Trupa Gjykuese që do të shqyrtojë çështjen përbëhet nga Genta Tafa (Bungo), Pamela Qirko, Suela Zhegu.
Arta Marku i nënshtrohet vettingut me përparësi për shkak të detyrës që mban si kryeprokurore e përkohshme ndërkohë që para se të merrte këtë detyrë, dha dorëheqjen nga kandidimi për në Këshillin e lartë të prokurorisë.
Në rast se KPK e konfirmon në detyrë Arta Markun, asaj i lind e drejta për tu zgjedhur si drejtuese e organit të akuzës me një mandat të plotë 7-vjeçar sipas ligjeve të reja të reformës në drejtësi.
Arta Marku u emërua më 18 dhjetor 2017 nga Kuvendi në krye të prokurorisë së Përgjithshme duke zënë postin e Adriatik LLallës të cilit i kishte përfunduar mandati. Ajo u zgjodh me 69 vota, 2 votuan kunder dy abstenim./o-news
