I riu Brilant Martinaj është vetëm 18 vjeç, dhe nuk e ndal asnjë gjë që të udhëtojë me makina luksoze, me shpejtësi të lartë e për më tepër, të mbajë edhe armë me vete. I riu 18 vjeçar poston herë pas herë video live në llogarinë e tij personale në instagram. Nga videot ai tregon dhe sesi u shpëton uniformave blu pa patur frikë si bisedon me ta dhe si largohet pa iu dridhur qerpiku. Madje tregon dhe se me sa km në orë makina e tij luksoze është duke ecur.
Por kush është Brilant Martinaj dhe kush ia mban krahët e ngrohta?
JOQ,ka bërë një kërkim për Brilantin. Ai është djali i xhaxhait, kushëri i parë me famëkeqin Ervis Martinaj. Ky i fundit është përmendur në dosjen “Shullazi” si mik i “të fortit” të bandës së Kavajës, gjobëvënësit Emiljano Shullazi.
Mediat e kanë cilësuar Martinajn si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin.
Sipas asaj që ka treguar Ylvi Beqaj në prokurori, Ervis Martinaj ka marrë përsipër t’i mbyllë gojën për llogari të Shullazit, me çdo mënyrë të mundshme. Fillimisht e joshi me para.
7 milion euro i ofroi Martinaj biznesmenit që akuzon Shullazin për gjobëvënie. Kur e pa se nuk arriti ta bindë, iu kthye mënyrave të vjetra duke e kërcënuar për vrasje.
Nuk do të ishte hera e parë për 35 vjeçarin, që prej katër vitesh rezulton të jetë në kërkim nga policia.
Përveç Ylvi Beqajt disa tregtarë të tjerë në Lezhë pranuan në prokurori se janë kërcënuar nga Ervis Martinaj.
Të shumta janë bëmat e Vis Martinit dhe historia e tij kriminale, e siç duket, është pikërisht ai që i jep krahë kushëririt dhe e orienton atë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
