Tre te rinj nga Tirana kanë rënë në grackën e policisë së Elbasanit ndërsa po transportonin 31 kilogramë lëndë narkotike Cannabis Sativa.
Sipas njoftimit zyrtar është finalizuar me sukses operacioni policor i koduar ”Labinoti”, ku janë sekuestruar në fshatin Labinot –Fushë një sasi prej 31 kilogramë lëndë narkotike Cannabis Sativa në një makinë.
Gjithashtu janë arrestuar në flagrancë shtetasit Klevis Metani, 25 vjec , banues në Tiranë, Rexhino Elezi, 27 vjec, banues në Tiranë, dhe Redian Vata, 31 vjec, banues në Tiranë.
Vazhdojnë hetimet për identifikimin e bashkëpunetoreve të tjerë të përfshirë në këtë aktivitet kriminal.
Materialet i kaluan Prokurorisë për veprime të mëtejshme për veprën penale të “Prodhimit dhe shitja e narkotikëve”, e kryer në formën e bashkëpunimit, e parashikuar nga neni 283/2 i Kodit Penal.
